N'ANNU RI CACCI

Sulu li ciucci ri Ngiulinu, putessunu rici quanda viaggi ammu fattu a li Casali, a li Sparanielli o a ru Ciusinu pu accogli tuttu stu leuna. Lu ricissettu s'abbicina, Piazzetta S.Putitu, Via del Borgo, la Tirnità, Porta Mulinu; chi fà lu chiù gruossu sandanduonu?

Tra nevu, pruvinu, sciuvuli allimati e pastilli nfrondu, furbaru passa e fà postu a marzu. L'aria si fà chiù doci e nvoglia a la prighiera. A la ruttrina preparamu Pasqua:

...Non mangiar carne al venerdì e negli altri giorni proibiti...

Cu l'aria n'addoru ri suffrittu stuzzica la nasu e rangiuca lu stommacu, e chi l'ha mai mangiata la carnu lu viernurì ? Nui nu la mangiamu mangu a la rumenuca!

Ron Eggidiu piglia voci:

‑Ragazzi, silenzio davanti al Tabbernaculu. Cammunati chiù chiani nnanzi a Gesù Cristu!‑ Ma Issu, lu Cristu, sapu quanda chiuovi tunimu sotta ru scarpu e quand'è difficilu rustà mbalatu ngoppa a ru marmu allucitatu.

Pó si parti a binirici ru cambagnu. A ru turnà, ron'Euggenia conda queru pocu rieci liru ind'a l'acqua sanda. Ngi guarda stuortu, ngi fissa ind'a l'uocchj senza parlà.

E' maggiu, lu savucu è nfioru. Farfallu e cardarellu zombanu ra na pas­tina a n'ata e nui appriessu cu rucchielli e cuttonu. Pó fiurisciunu li cacci.... Che annata! Janghi, belli, roci, prufumati; mieruli e cardilli scialanu.

Li juorni passanu finghé n'addoru ri pupaiuni fritti annunzia giugnu e la nuvena a sand'Andoniu. A sera, roppu prighieru e candi, a la chiesetta è guerra:

‑Guagliù angappatili, rubbrucatili ca pó divendanu sordi!

E nui comu a li fessa: "...Caticatasci scinni abbasci, rammi la chiavu ri la cascia..."

E' lugliu, Filìci squartannu nu pallonu nfunfuteia:

‑Rufreshca l'anuma a quiri ciciri mai ndustati!‑

A la feru ri lu Carmunu mamma m'accatta nu vistitu, lu primu in vita mia, patrumu mi faci nu paru ri scarpini senza chiuovi, punzai a don Eggidiu, chisà comu sarà cundendu

ca nun fazzu chiù rumoru ngoppa l'ardara.

27 austu 1961, mendri tutti chiangiunu a Avellinu, i' partu a la  scuperta ri la Svizzera senza avé vistu l'Italia. Prima ri parti raccummannu a nu cacciu:

‑Fammi sapé quannu aggia turnà-.

‑Lu Signoru t'accumbagna‑

M'hannu scrittu ca li ciciri ndostanu, ron'Euggenia è nbaravisu e Filìci puru, ron'Eggidiu nun dici chiù messa a Sanda Maria Vetera, li caticatasci passeianu la chiazza e lu corsu, spavaldamendu. Ri lu cacciu, nisciuna nutizia.

___________________________________________________________________

Cacci:  Alberi di acacia. Ngoppacastiellu ce n'erano molti, qualcuno maestoso e potente. Da bambini erano la nostra dimora preferita, ci arrampicavamo malgrado le spine, ne mangiavamo i fiori profumatissimi.

Ngiulinu:  vedi "l'ippica"  in questo stesso sito.

Ron Eggidiu:  Insieme ad Arcangiulinu "Manesu" servivamo tutte le mattine la messa delle sette celebrata da Don Egidio a S.Maria Vetere. La sola ricompensa era qualche spicciolo che la gente metteva nell'acqua santa in occasione della benedizione pasquale delle case e che suor Eugenia ci concedeva. Naturalmente la suora sapeva che prima di consegnare le monete per la

spartizione, noi avevamo abbondantemente attinto.

Filìci:  (Felice) era un vecchietto che stanco di sopportare le nostre incursioni nel suo terreno (Ngoppacstiellu) per raccattare il pallone, sistematicamente ce lo tagliava a pezzettini. All'epoca lo odiavamo fino a sperarne la suo morte violenta, oggi penso a tutte le stragi di ceci, fave ed altro che gli facevamo.

27 austu :  Una volta con "Ngiulinu" eravamo andati ad Avellino e sull'Agerola in provincia di Napoli, queste erano le mie conoscenze dell'Italia. Vedi "Ciclismo" in questo stesso sito.

Raccummannu:  Era abitudine in quegli anni (forse oggi non è cambiato molto) raccomandarsi

ai "potenti" per avere un lavoro.